Strategiija 2018–2022
Dat Wikimedia Norgga strategiija mearriduvvui stivračoahkkimis čakčamánu 3. beaivvi 2018.
Višuvdna
Wikimedia Norga galgá leat oainnus ovdamanni máhtolašvuođa juogadeapmái ja dieđuid fidnema rabasvuhtii. Wikimedia Norga galgá leat njunuš norgga organisašuvdna olbmuide geat dorjot Wikipedia ja daid eará Wikimedia prošeavttaide.
Ulbmil
Wikimedia Norga áigu:
- doarjut ja nannet dan stuora ja áŋgirušši eaktodáhtolaččaid, lohkkiid ja doaimmaheddjiid servodaga mat Wikipedia-prošeavttain leat
- buoridit Wikimedia-prošeavttaid sisdoalu kvalitehta, mas galgá earenoamážit deattuhit girjedárogiela, ođđadárogiela ja davvisámegiela prošeavttaid
- buoridit Wikimedia-prošeavttaid doaimmaheddjiid girjáivuođa
- lassánahttit eiseválddiid ja siviilaservodaga friddja diehtojuohkima doarjuma
Strategiija
Doarjut ja nannet dan stuora ja áŋgirušši eaktodáhtolaččaid, lohkkiid ja doaimmaheddjiid servodaga mii Wikipedia-prošeavttain lea dainna lágiin:
- bálkáhit, ja movttiidahttit lohkkiid ja doaimmaheddjiid
- addit praktihkalaš ja ekonomalaš doarjaga ja leat resurssa eaktodáhtolaš doaimmaheddjiide ja ovttasbargoguimmiide
- leat čielga jietna almmolaš digaštallamiin máhtolašvuođa juogadeami birra
- ovttasbargat eará riikkaid Wikimedia-birrasiiguin ja berošteaddjijoavkkuiguin
- dábuhit eanet miellahtuid šaddan dihte organisašuvdnan mii speadjalastá olles Wikimedia-servodaga
- leat bures doaimmahuvvon, transpareanta organisašuvdna mas lea buorre bargobiras, heivvolaš gelbbolašvuohta, ja dássedis sohkabealjuohku bargiid gaskkas ja stivrras, ja mas lea ruhtadeapmi olu gálduin
Lasihit Wikimedia-prošeavttaid sisdoalu kvalitehta, mas deattuhuvvojit earenoamážit girjedárogiela, ođđadárogiela ja davvisámegiela veršuvnnain ná:
- ovttasbargat iešguđetlágan ásahusaiguin ja organisašuvnnaiguin mat sáhttet leat ávkin buoridit kvalitehta
- ráhkadit deaivvadansajiid gaskal ovttasbargoguimmiid ja eaktodáhtolaš birrasiid nu ahte dat eaktodáhtolaš biras dábuha buriid resurssaid
- addit praktihkalaš ja ekonomalaš doarjaga kvalitehtabuoridemiide maid miellahtut ja eará veahkit vuolggahit
- ovttasbargat eará riikkaid Wikimedia-birrasiiguin
- ávkkástallat ja viidáseappot ovdánahttit teknologalaš ođđahutkosiid
Lasihit Wikimedia-prošeavttaid vehkiid girjáivuođa dainna lágiin:
- fállat kurssaid ja ráhkadit deaivvadansajiid oažžun dihte eanet doaimmaheddjiid joavkkuide main leat unnán ovddasteaddjit
- ovttasbargat ásahusaiguin ja organisašuvnnaiguin surggiin mat lea unnán ovddastuvvon
- ohcat ja doarjut doaimmaheddjiid mat leat unnán ovddastuvvon, lassánahttit sisdoalu girjáivuođa ja fuolahit ahte friddja máhtolašvuohta olle eanebuidda
Lasihit doarjaga eiseválddiid ja siviilaservodaga friddja diehtojuohkimii ná:
- ávžžuhit eiseválddiid, ásahusaid ja birrasiid juogadit dieđuid ja arkiivamateriála friddja liseanssa vuolde
- leat doarjja eiseválddiide, ásahusaide ja birrasiidda mat áigot juogadit máhtolašvuođa ja arkiivamateriála
- doaimmahit diehtojuohkinbarggu iešguhtege Wikipedia-prošeavttaid birra
- ohcat produktiivvalaš doaimmaheddjiid ulbmilaččat