Wikimedia Norgga dárkkistanlávdegotti njuolggadusat

Dárkkistanlávdegotti bargu lea dárkkistit ahte organisašuvdna doaibmá njuolggadusaid ja bustáva ja vuoiŋŋa mielde, ahte jahkečoahkkima mearrádusat ollašuvvet, ahte organisašuvdna čuovvu buori čoahkkinortnega, meannuda bealálašvuođagažaldaga, ja ahte válggat dáhpáhuvvet demokráhtalaš ja riekta vuogi mielde. Dárkkistanlávdegoddi galgá ovdanbuktit sierra raportta juohke dábálaš jahkečoahkkimis iežas barggu birra ja movt organisašuvdna lea doaibman mannan jagi.

Dárkkistanlávdegottis lea unnimusat 2 miellahtu. Dárkkistanlávdegotti miellahtut válljejuvvojit dábálaš jahkečoahkkimis. Jus lea dárbu sáhttá válljet eanet miellahtuid dárkkistanlávdegotti jahkečoahkkimii jahkečoahkkimiid gaskkas jus stivra ja dárkkistanlávdegoddi dohkkehit evttohasa maid válgalávdegoddi lea evttohan. Gohččojuvvo dárkkistanlávdegotti čoahkkimii jus okta lávdegotti miellahttu, beaivválaš jođiheaddji dahje Stivra gáibida dan. Dárkkistanlávdegoddi sáhttá dahkat mearrádusa dušše go buot lávdegotti miellahtuin lea leamaš vejolašvuohta addit cealkámuša.

Dárkkistanlávdegotti miellahtuin lea čoahkkinriekti buot organisašuvnna orgánaide. Lávdegotti miellahtuin lea dušše hupmanriekti áššiin mat gusket sin bargosuorgái, dasa gullet mearrádusat, njuolggadusat ja njuolggadusat, organisatoralaš áššit, ovddeš mearrádusat ja formalitehtat. Dárkkistanlávdegoddi sáhttá gáibidit oažžut beavdegirjjiid, miellahttolisttuid, ja eará guoski dokumeanttaid buot osiin organisašuvnnas. Dárkkistanlávdegotti miellahtuin lea jávohisvuođageasku buot áššiin. Dárkkistanlávdegoddi sáhttá maiddái gohččut Válgalávdegodde- dahje stivračoahkkimiidda jus lea ášši maid háliidit váldit ovdan. Dárkkistanlávdegotti gohččumat fertejit čuovvut dan gohččunáigemeari mat leat guoskevaš orgána mearrádusain.

Jus ovtta dárkkistanorgána miellahtu doaibma nohká ovdal go bálvalanáigi lea nohkan, de galgá stivra dakka viđe almmuhit dan miellahtuide ulbmilaš vuogi mielde. Stivra galgá maiddái jus gávnnaha bákkolažžan, gohččut eahpedábálaš jahkečoahkkimii lasihanválggaid várás.