Searvadahtti čoahkkimiid njuolggadusat
Manne lea dárbu searvadahtti čoahkkimiidda?
Čoahkkimiiguin oaivvildit mii daid njuolggadusaiguin sihke čoahkkimiid ja deaivvadansajiid, sihke fysalaš ja dakkáriid mat leat interneahtas, maid Wikimedia Norga lágida. Wikimedia Norga áigu fállat searvadahtti čoahkkinbirrasa mas ii leat givssideapmi ja čoahkkimiid dovdomearka galgá leat guhtet guimmiidis iešguđetlágan perspektiivvat árvvusatnin. Go stuorát ja smávit joavkkut váilot muhtun muddui dahje áibbas divodansearvevuođas lea dat mearka ahte váilot maiddái dárbbašlaš perspektiivvat. Bargu oažžut iešguđetlágan olbmuid ja perspektiivvaid fárrui addá midjiide danne vejolašvuođa čađahit Wikimedia Norgga višuvnna.
Leat go dus jearaldagat daid njuolggadusaid birra dahje ášši maid háliidit váldit ovdan? Váldde áinnas oktavuođa Astrid Carlseniin, Wikimedia Norgga beaivválaš jođiheddjiin: astrid@wikimedia.no, dahje earáiguin geat ovddastit organisašuvnna, jus dan háliidat. Dán siiddus leat dieđut buot stivrra miellahtuid birra: Stivra. Dieđuid bargiid birra gávnnat dan siiddus: Bargit. Organisašuvnnas lea maiddái dárkkistanlávdegoddi: Dárkkistanlávdegoddi
Guđe láhkái searvadahttit mii guhtet guimmiideamet?
- Mii atnit buohkaid oassálastima árvvus
- Mii eat dohkket mangelágan fallehemiid dahje givssideami čoahkkinoasseváldiid vuostá
- Giella dahje govat main lea seksuála sisdoallu eai gula čoahkkimiidda, konferánssaide dahje logaldallamiidda
- Mii vuordit ahte buot oasseváldit čuvvot daid njuolggadusaid čoahkkinsajiin ja čoahkkimiin
Mii lea givssideapmi?
Givssidemiin oaivvilduvvo heivetmeahttun cealkámušat mat gusket sohkabeallái, seksuálalaš oidima, doaibmaváilevuhtii, hápmái, rumašsturrodahkii, čearddalašvuhtii, religiovdnii, politihkalaš gullevašvuhtii dahje sullasaččaide. Givssideapmi lea maiddái govaid geavaheapmi main lea seksuála sisdoallu almmolaš oktavuođain, balddihahtti láhtten, doarrádallan, muosehuhtti govven, ságastallamiid botken dahje heivetmeahttun lahkonaddan.
Mo gieđahallat givssideami
Jus dovddat iežat givssiduvvon dahje oainnát earáid dan geavvame dahje jus dus lea juoga eará mii vuorjá, de váldde oktavuođa čoahkkinlágideddjiin dahje Wikimedia Norgga bargiiguin jođánepmosit. Sii veahkehit áinnas váldit oktavuođa sihkkarvuođafávttaiguin dahje politiijaiguin, mieđuštit dahje eará láhkái veahkehit sin geat dovdet dan čuohcat alcceseaset dovdat iežaset oadjebassan dássážii čoahkkin nohká. Vurdojuvvo ahte oasseváldit geaid gohččut heaitit givssideaddji láhttemiin dahket dan ovttat manu. Jus okta oasseváldi givssida sáhttá lágideaddji atnit daid doaibmabijuid maid gávnnaha dárbbašlažžan, oktan váruhusa addimiin oasseváldái dahje eretbidjamiin.